依然放唔低
本帖最后由 咖啡味776066 于 2014-3-6 12:21 编辑
好耐好耐无上黎钓鱼之家发过帖了，一直都处于潜水观望状态。
旧年9月份，由于老豆噶原因同埋自己噶原因放弃佐钓鱼，我阿爸话我成日去钓鱼，不如留翻D时间霖下有咩好发展好过啦，自己霖霖又系，20几岁噶人了，打住份厂工，有咩前途吖，又未成家立室，咁玩落去都唔系路，一咬牙500蚊将我大部分渔具卖晒
曾经噶装备，500蚊将钓箱，渔户，竿包，钓箱支架，抄网，多功能漂盒，天风3米9， 劲雷3米9，名人鲤4米半卖晒，就剩翻一支一族4号4米半同一支法莱天鲤4米半，后来支法莱天鲤送埋俾我朋友，即系剩翻支一族
无钓鱼几个月，发觉同D钓友生疏晒，直到过年前一个月左右，连长同小攀叫我去呻吟（森林）公园睇佢地钓鱼
佢地喺呻吟钓噶草鱼，连续睇佐佢地钓佐3晚，亦都连续3晚拿鱼出去加工水煮鱼，虽然我食佐两晚，但系我发觉我又被毒到了，内心有种蠢蠢欲动噶感觉。
回忆自己喺呻吟公园都快活过，同小攀两个人一晚钓百几斤鱼，狂拉大非拉到手抽筋，拉到最后脚线断尽先放弃战斗。
04年1月7日，我，小攀，阿南，四爷有预谋有组织咁去悠闲一日钓，原计划系去大旺龙王庙，但系去到发觉水太浅，佢地认为唔好钓，我唯有小数服从多数另觅战地，后来喺大旺经六和去径口枕头湾水库作战。
到达枕头湾水库卸车
简单噶午餐
一齐饮翻啖
左边四爷，中间阿南，右边攀大师
佢地个个装备精良，我就拿一族担凳仔，真系笑大人个肚吖
枕头湾都系小鲫鱼同林刀多，我无渔户，唯有用抄网头装鱼
四爷同我噶鱼获，不过大部分系四爷钓噶
四个人噶总鱼获
经过7号噶休闲小钓，我已经毒气攻心，又重粘毒瘾，忍唔住又去重组我噶装备
钱吖~~~
再入手一支5H一族鱼龙3米6 同一支3.8H一族5米4
新装备新竿入手梗系要去试下啦
鱼龙3米6开竿鱼--鲫鱼，战斗地点系二仔只鱼塘，鱼塘噶鱼全部系喺钓场钓翻黎噶，所以话里面每一条鱼都系被钓过
事隔两日我约小攀去我同事只荒废塘钓鱼，鱼塘已经荒废一年，水深只有一米左右
小攀中草鱼
溜鱼
3斤左右
我唯一一条鱼，亦都系一族5米4噶开竿鱼
我老豆话我钓鱼就好似食烟咁，戒极都戒唔倒。其实钓鱼同食烟系唔可以相提并论噶，食烟有害健康，钓鱼有益身心，两马事。不过鱼乐归鱼乐，工作噶时候仲系要工作噶，唔好话为佐钓鱼而放低工作咁就得啦
耐无上黎钓鱼之家都唔知同大家讲咩好了，肚里面噶墨水有限，但系精彩噶鱼事却系无限，相信我，以后我会同大家分享更多精彩噶鱼事。
水煮鱼, 钓鱼之家, 朋友, 公园, 前途
本主题由 鱼乐仔 于 2014-3-6 16:37 加入精华
